Namaz aur Azadari dono zaruri hai

As salamun alaikum Monenin hazraat.

Mumbai ke juloos me namaz par pabandi lane wale log ab khul kar saamne aane lage hai. Char sawaal puch kar qaum ko bewakuf banane wale yeh bhool gae ki darse karbala hume Namaz ke aur qareeb le jata hai aur inke hele aur bahane hume Azadari aur namaz dono ae dur nahi kar sakte.

• Kya unhone Yazidi fauj ki taraf se Imam Hussain (a) ki namaz par hone wale tiro ki barish ke masaeb nahi sune?
• Kya J. Zohair (a) aur unke sathiyo ka Imam (a) ki hifazat karte hue shahadat ko gale lagana yaad nahi hai? 

Aaj namaz par sawaal uthane wale aur road par shia ko namaz se rokne waale kya bhool gae ki Ahle Haram (a) shame ghariba ke baad se kufa aur shaam ke safar ke dauraan gharo me nahi balki raaho aur road par hi namaz ada kar rahe the. Imam Sajjad (a) aur J. Zainab (sa) ki yeh behtarin sunnat hai jise ye aaj ke Akhbari aur Habib Naseer numa log Azadari se alag kar ke khokla kar dena chahte hai.

Sawaal uthta hai:

• Agar Police department aur administration ko namaz se issue tha to pichle do saal se Aashur aur Arbaeen ke juloos me police ki maujudgi me ho rahi namaz ko kyu nahi roka gaya?
  
• Achanak Police ko namaz se issue kyu hua?
  
• Police se jawab talab karne par Police ne Habib Naseer se phone par baat kyu ki?
  
• Do saal pehle jab Olema ke banners ka issue hua tha to Habib Naseer police ke sath Devji Jamal Musarfirkhane aur A-One Dairy ki sabeelo par banners utarwane kyu gaya tha?

Momenin.. sawaal bahot se hai.. Aaj hume aakhe khol kar dekhne ki zarurat hai.

Yeh log Namaz ke hi nahi balki Olema aur Azadri ke asli mukhhlif hai.

Jo shaks Imam Hussain (a) ke aakhir amal ka mukhalif ho, jo ki namaz ki halat me sajda tha, kya wo haqiqat me azadari ko samajh sakta hai?

Faisla aap ke hath me hai.. Imam Hussain (a) ko hume muh dikhana hai.

Aaiye Azadari aur namaz dono ko qayam kare.

Habib Naseer group ki taraf se kuch sawalaat...

Betuki baaton ka seedha sa jawab...

Ek aam shia agar in 4 sawal o ke jawabat tak pohach jayega to haq aur batil waazeh ho jayega

1. Shiyo mein Raaston par namazen kabse padhi jaane lagi?

2. Permission Juloos ki hai ya raste par namaz padhne ki?

3. Administration kaam hai jisme complaints writing me hoti hai..  Aise nahi ke police se poocha to police ne keh diya.. Agar ye dawa saccha hai to written complaint kaha hai?

Al fitnato Ashhaddo menal Katl...  Al quran

Fitna Katl se bhi bura hai

Jis tarah Siffeen mein MAULA ASWS ke saamne Quran buland karke logo ko behkaya gaya tha ye theek usi tarah MAULA ASWS ki azadari ke saamne namaz ko laakar Momeneen ko behkaane ki ek Sochi samjhi Saazish hai..

Ek arse se Mumbai ke ye Juloos jo peacefully nikal rahe hai wo azadari ke dushmano dekha nahin jaa raha isliye Namaz ke aad lekar Mumbai ke Juloos ka Mahoul kharab karna chaahte hai..

Momeneen azadaar matami hazraat Hoshiyaar rahen ke kisi Juloos mein kisi bhi naye fitne se nuksan azadari ka hoga!!!

Aakhri aur chautha 4th sawal

4. AISI KAUNSI RAWAYAT MAQTAL KI INHE MIL GAYI JO AAJ TAK HAMARE KISI ALIM KO NAHIN MILI..  JISME YE LIKHA HO KE

///QUOTE///

Ek wo Roze Aashur tha jaha namaz par pabandi Yazid ki fauj ne laai thi..

///QUOTE///

AAJ TAK ULAMA FUQAHA KHUTABA NE TO YEHI PADHA HAI KE LASHKAR E YAZEED L. A. KA YE NAARA THA KE HUSAIN ASWS KO JALDI KATL KARO NAMAZ KA WAQT HO RAHA HAI..

IN JAHILO KO CHALLENGE HAI KE KOI EK RAWAYAT PESH KAREN !!!

Mujtahedin aur Namaz ki tauheen karne wale kaun?

1. Mera sawal : Ye Mujtahideen ki Touheen karney walay kon hain?

Hazrat Ali a.s ka jawab : " Ilm aur ahl e ilm ki sirf jahill aur ahmaq hi touhen karta hai "

Page 816 Meezan-ul-hikmat jild 2

2. Mera sawal : Kiya in Ahmaqon ka illaj mumkin hai?

Azadari me Namaz ka fitna Banaane walo'n se Chand sawal - Msg from Habib Naseer group

Azadari me Namaz ka fitna Banaane walo'n se Chand sawal

Julooso'n me Raasto'n par Namaz...

1. Baghayr permission hukumat ki property (roads) par Namaz kaise jaayez hui?

2. Apne kisi ki mayyat Qabrastan le jaate waqt raah me Azaan ho to kya ye Muqassireen Batri janaza chhordkar Namaz pardhne lagte hai'n Road par?

Aaj phir Namaz par pabandi laane ki koshish ki gai...

Har saal ki tarah is saal bhi mumbai ke juloos me azadaro ko namaz padne ke liye Mazgaon circle par intezaam kiya gaya tha; lekin waqte namaz aate hi Mumbai Police ne aa kar momenin ko namaz padne se rok diya.

Police se Sawaal karne par pata chala ki ek apna hi Shia, jiske naam par juloos ki permission hai, jiska naam Habib Naseer hai, usne police se namaz rukwane ke Liye complaint kari hai.